Reviews

Xiaomi Redmi Note 5 In Depth Review

المراجعه التفصيليه الكامله لهاتف شاومي نوت ٥ مع استخدام حوالي شهرين و نص نسخه ال٦٤/٤ دلوقتي نقدر نحكم عليه بالتفصيل

الشاشه
الشاشه بتيجي بحجم ٥.٩٩ بوصه بالابعاد الجديده ( اللي مبقتش جديده اوي ) ١٨.٩ بدقه FHD+ و نقدر نقول إن الشاشه جيده جدا ف الاستخدام الطبيعي و حجم شاشه مناسب جدا لمعظم الناس و مش هتضايق الناس ف مسكته
و بالنسبه لدرجه سطوعها ف هي مقبوله في كل الاوقات ماعدا لو انت في الشارع الصبح هتحتاج تعلي الاضاءه على الاخر علشان تقدر تشوف كويس و ده طبيعي ف الفئه دي
أما جوده الالوان و زوايا الرؤيه ف هتكون جيده جدا معاك و مش هتواجه اي مشكله


——-

التصميم
التصميم اللي متعوده عليه شاومي في كل اجهزه النوت الخاصه بيها من حيث الجسم المعدني المتين و اللي اتحسن اوي عن الجيل السابق ( نوت 4 ) مع اختلاف فقط مكان الكاميرا و بروزها الزياده عن الجسم اللي حيبقى لازم تستخدم الكوفر اللي جاي مع التليفون او تشتري كوفر تاني لو مش حابب شكله أو مش متاكد من متانته


——-

الأداء
مع معالج الجديد من سناب دراجون 636 و معالج رسومي ادرينو 509 الأداء فعليا ف الاستخدام اليومي من حيث سوشيال او العاب عاديه خفيفه أو تصوير ف حيكون معاك مساعد جدا بنسبه ١٠٠٪ و مش هتلاحظ اي مشاكل
و بالنسبه لمحبي الالعاب الثقيله ف انا جربت العاب زي ( Asphalt 9 و Fifa 18 و Pes 18 و PUBG و Modern Combat 5 ) ملاحظتش اي مشاكل نهائي فيه ف عمل الالعاب ع وضعيه ال high
اللي ممكن لقيت ظهور لاج فيه و ده طبيعي بسبب أن اللعبه نازله لاصحاب الفلاج شيب و هي لعبه Fortnite

——-

البطاريه
بطاريه ٤٠٠٠ ميللي امبير مع معالج بتقنيه ١٤ نانو حتقضي معاك استخدام طبيعي مكثف سوشيال و العاب خفيفه و أفلام و مكالمات من ٧.٣٠ الى ٨.٣٠ ساعات متواصله screen on لكن لو ع 4G ف حتعمل حوالي ٧ ساعات نفس الاستخدام و بالنسبه للألعاب حتعمل حوالي ٦.٣٠ ساعات لو العاب ثقيله

——-

الشحن
الشاحن المرفق مع الجهاز بيشحنلك الجهاز ف حوالي ساعتين و نص من من 0٪ ل 100% لكن لو اشتريت شاحن سريع الجهاز هيشحن من 0% حتى 100% في حوالي ساعتين الا ١٠ دقائق


الكاميرا
شاومي قدرت انها تغير كل الآراء ف شاومي لأنها كانت بتعمل اجهزه جيدا جدا و بتسعير رائع و لكن ف النهايه بتديلك كاميرا متوسطه متقدرش تقول إنها تنافس باقي المنافسين ف الكاميرات لكن وقت الاعلان عن التليفون ده كان نازل بمسمى ” وحش الكاميرات ” لأنه كان عباره عن كاميرا خلفية مزدوجة الاولى بدقة 12 ميجا بكسل بفتحه عدسة f/1.9 والثانية بدقة 5 ميجا بكسل بفتحة عدسة f/2.0 و كاميرا أمامية 13 ميجا بكسل بفتحة عدسة f/2.0 مع امكانية تصوير فيديوهات بدقة 1080 P، وتدعم خاصية ال Portrait مع وجود فلاش امامي و فعلا الصور دلوقتي شاومي قدرت انها تتدخل منافسه الكاميرات ف الفئه المتوسطه و تقدر تكسب هواتف اغلي ب 1000 جنيه

——-

الصوت
الصوت نقي جدا و فيه وضوح ف درجات الصوت و تقدر تميز الاصوات بين بعضها و عالي جدا من رغم من أنها سماعه واحده فقط موجوده بالاسفل من ناحيه اليسار

اخيرا بعض الصور الملتقطه بكاميرا الهاتف في ظروف اضاءه مختلفه

 

Abdelrahman Wazir

عبدالرحمن الوزير, مهندس مدنى مصرى, عاشق للتكنولوجيا بمختلف تخصصاتها أسعى للتطور دائما وأحاول إضافه المزيد ولمن حولي أؤمن بأن التكنولوجيا هي مفتاح المستقبل وأسعى إلي نشر الوعي التكنولوجي في المجتمع المصري

مقالات ذات صلة

زر الذهاب إلى الأعلى
إغلاق
إغلاق

أنت تستخدم إضافة لحجب الإعلانات

برجاء دعمنا عن طريق تعطيل إضافة Adblock