شاومي اخيرا انهاردة اعلنت عن Xiaomi mi 8 ( شاومي السنادي قررت انها تعدي رقم 7 احتفالا بمرور 8 سنين على انشاء شركة شاومي ويكون رقم الموبايل نفس رقم السنة اللي هيصدر فيها ).
شاومي المرادي قدمت موبايل منافس للموبيلات الرائدة.
نبتدي بالشاشة 6.21 بوصة من النوع OLED من شركة سامسونج بدقة FHD+ 1080×2248 وبابعاد 9:18.7 ونسبة استحواذ الشاشة من المساحة الامامية للجهاز 88.5% و شدة سطوع 600 nit و نسبة تباين ( contrast ratio ) 1:6000
الشاشة بتيجي ب Notch من فوق زي iPhone X وبتقدر تشيل ال Notch وبسبب ان الشاشة من نوع OLED تقدر تشيل الاطراف الزيادة اللي فوق ويكون الموبايل شكلو من غير notch وكمان في خاصية ال Always on screen مع دعم لتقنية ال HDR.
شاومي حطت في ال Notch ال proximity sensor و الكاميرا الامامية وال inferred light و infrared camera عشان ال face unlock في الاضائة الضعيفة.
اما ابعاد الموبايل نفسه 154.9 x 74.8 x 7.6mm والضهر من الزجاج والاطراف من المعدن.
الجهاز بيجي بتشيبسيت من كوالكوم Snapdragon 845 ببروسيسور ثماني النواة وبالنسبة للاداء شاومي بتقول ان الموبايل بيقدر يجيب سكور اعلى من 300 الف نقطة على Antutu ورام 6 جيجا بايت من نوع LPDDR4X Dual-Channel بسرعة 1600 MHz
بالنسبة للكاميرا فشاومي المرادي اهتمت بالكاميرا جدا والكاميرا تعتبر من اهم مميزات الجهاز
الجهاز بييجي بكاميرتين خلفييتين واحدة بدقة 12 ميجا بيكسل بفتحة عدسة F/1.8 وبحجم بيكسلات 1.4 ميكرون وسيسنور من سوني IMX363 والكاميرا التانية عبارة عن Telephoto بدقة 12 ميجا بيكسل وبفتحة عدسة F/2.4 وحجم بيكسلات 1 ميكرون وسيسنسور من سامسونج S5K3M3 والكاميرا بتيجي ب OIS و Optical zoom و dual pixel autofocus و الذكاء الاصطناعي AI
الكاميرا الخلفية شاومي بتقول عليها Studio lighing ومن المفترض انها كويسة في الاضائة الضعيفة وتم اختبار ال كاميرا وجابت على DXO Benchmark 99 نقطة ( 105 نقطة في تصوير الصور الثابتة ) الكاميرا الامامية بدقة 20 ميجا بيكسل وفتحة عدسة F/2.0 و حجم بيكسلات 1.8 ميكرون ! وطبعا مع دعم لل لتقنيات الذكاء الاصطناعي AI Portrait و AI Selfies
الموبايل فيه بطارية بحجم 3400 مللي امبير مع دعم للشحن السريع QC 4.0+ و Dual GPS ( تحديد للمكان اسرع مع استخدام بطارية اقل مع دقة اعلى ) و Blutooth 5.0 و WiFi AC و NFC و اخيرا ال 3.5 mm ( اخيرا مشالوش مدخل السماعات ! )
بالنسبة للاسعار نسخة 64 جيجا بايت ب 421 دولار ونسخة ال 128 جيجا بايت ب 468 دولار ونسخة ال 256 جيجا بايت ب 515 دولار
